Chihanda chakwamba ngwavo “Vyuma Vyavihya Viliho” chaha JW Library^® naha jw.org cheji kusololanga vinoma vyavihya vanalovola. Uno munahase kuzachisa ngachilihi chihanda kana mangana muwane mijimbu yakalinwomu?

• Vihande vyavihya veji kuvihakanga mukumbu yavyo yakwamba ngwavo vihande vyakulisezaseza. Shikaho, nge chihande chinasoloka muchihanda “[cha]Vyuma Vyavihya Viliho,” kaha munahase kututulula cheka chihanda kana. Munahase kutanga chihande chachihya chize chili helu lyamukana wavihande, vize vinalikavasana kweseka nalikumbi vavihakileho.

• Chinahase kupwa chachikalu kukumisa kutanga mikanda yayinene yakufwana nge jimangazini halwola lwolumwe. Hakusaka mukumise kutanga mangazini yize munasela hakachi, yihakenu hachihanda chakwamba ngwavo Favorites swi nomu namukayikumisa.

Mijimbu yimwe yakufwana nge malipoti navyakuvilika veji kuyihakanga kaha ha jw.org, keshi ha JW Library. Shikaho talenunga haze vanavuluka ngwavo “Vyuma Vyavihya Viliho” hakeyala ya jw.org/lue mangana muwane vihande vyavihya.