“What’s New” foa ne mɔɔ wɔ JW Library^® nee “Fofolɛ Mɔɔ Ɛra La” mɔɔ wɔ jw.org azo la maa yɛnwu ninyɛne mɔɔ bɔ zo mɔɔ bɛyɛ la. Kɛzi ɛbalua foa ɛhye azo wɔakpondɛ ninyɛne fofolɛ mɔɔ ɛra la ɛ?

• Saa bɛkɛlɛ edwɛkɛ fofolɛ a, bɛfa bɛboka edwɛkɛ mɔɔ ba toɔdoa zo foa ne mɔɔ ɔfale nwolɛ la anwo. Ɔti saa edwɛkɛ mɔɔ ba toɔdoa zo la bie ba “What’s New” abo a, ɛbahola wɔahwe edwɛkɛ fofolɛ mɔɔ ɛraboka nwo la. Bɛgyinla mekɛ mɔɔ edwɛkɛ ne rale la azo a bɛhyehyɛ bɛ a na fofolɛ mɔɔ ɛra la a limoa a, ɔti ɛbahola wɔagenga.

• Ɛnrɛhola ɛnrɛgenga mɔɔ nuhua edwɛkɛ ne wale mɔɔ le kɛ magazine la amuala ɛkɛ ne ala. Amaa wɔahola wɔanwu mɔɔ ɛtɛkengale ɛtɛwiele la, bɔ mɔdenle fa magazine ne boka ninyɛne mɔɔ wɔ wɔ Favorites ɛleka ne la anwo, saa ɛkenga ɛwie a ɛbahola wɔaye wɔavi ɛkɛ.

Ninyɛne le kɛ amaneɛbɔlɛ nee nolobɔlɛ finde jw.org wɛbsaete ne ala azo, ɔnvinde JW Library ne azo. Kakye kɛ ɛbada wɔanlea “Fofolɛ Mɔɔ Ɛra La” ɛleka ne mɔɔ wɔ wɛbsaete ne azo la amaa wɔanwu ninyɛne fofolɛ mɔɔ ɛra la.