Kɛ̄ a kura “Ɛp Nu Alu Aā” a le bu JW Library^® le nyɔɔ jw.org tɔgɛ pya aā aā nu elua eyere. Bu mɛ sīdee na o dap su pya aā yereue ama daānu a?

• Wee lu eyere pya aā ekobee ue alu elɛɛ tɔ kɛɛ̄ lo ekobee ue a bɔloo kɔ a le kɛɛ̄. Nyɔɔwo sɔ̄ pya ekobee ue a nyɔɔnɛ tɛ̄ ziī sira kɛɛ̄ “Ɛp Nu Alu Aā,” o dap kuɛ̄ lo ekobee ue alu aā a wa le yɛɛ. Lo sɔ̄ o dap buū lo aā ekobee ue a sira taɛ deenyɔɔ lo alu eyere dɛɛa nyɔɔ dee a bee lu elɛɛ tɔ.

• Pya kpa a nyɔɔdɛɛ̄, doodoo magazin, dap su nyɔɔnyɔɔ sɔ̄ lo ebuū lɛɛ. Lokwa o dap suā lo ekpo magazin o sii buū lɛɛ, su lo magazin yere loo pya kpa a le bu kɛ̄ a kura Favorites, e sɔ̄ o ebuŋa lɛɛ, o dap lɛɛ lo kɛ̄.

Pio yereue alu eyere doodoo kpɛa ale nɛmuɛ̄ wee sira aba i dɔ intanɛt jw.org, a naa wee sira bu JW Library. Nyɛŋiabu lo ewee ɛp kɛ̄ a kura “Ɛp Nu Alu Aā” a le i dɔ intanɛt lokwa o dap muɛ aā aā ekobee ue alu eyere.