Xiyenge lexi liki “Vona Leswimpshwa” lexi nga ka JW Library^® ni ka jw.org xi kombisa mabuku ni mavhidiyu lamampshwa. Xana u nga xi tizrisa hi ndlela yini xiyenge lexi akuva u tiva leswimpshwa?

• Loko mabuku lamampshwa ma humelela lani ku liki “Vona Leswimpshwa” swi tlhamuxela leswaku ku humexiwe buku ledzrimpshwa nakone dzri patsriwe ka xiyenge lexo. Loko u xixa xiyenge leximpshwa, u nga dondzra buku ledzri humexiwiki. Dzri ta humelela a ku sunguleni ka mabuku lama xaxametiwiki hi ku ya hi masiku.

• Loko swi ta mhakeni ya mabuku lamakulu, swi nga yentxeka u nga swi koti ku dondzra dzrungula dzra wone hi nkama wun’we. Kambe i yini xi nga ku pfunaka ku dzrimuka mabuku lawa u kalaka u nge si ma heta ku dondzra? U nga beka mabuku lawo ka xiyenge lexi liki Favoritos.

Madzrungula ya kukazri ni swib’iko a swi kumeki ka aplikativhu dzra JW Library, swo kumeka ntsena ka jw.org. Xileswo, minkama hinkwayu dzrimuka ku lavisa xiyenge lexi liki “Vona Leswimpshwa” ka jw.org.