O le vaega “Mea Fou” i le JW Library ma le jw.org o loo faaalia ai mataupu ma vitiō fou ua iai. E faapefea ona e faaaogāina lenei vaega ina ia maua ai pea faamatalaga fou?

• E maua mataupu taʻitasi i luga o le JW Library pe a update le faasologa o mataupu e maua ai le mataupu o loo saʻilia. O lea pe a iai se mataupu fou i le vaega “Mea Fou,” e mafai ona kopi lenā mataupu. Ona e maua lea o le mataupu fou i le pito i luga o lenā faasologa, lea o loo faatulaga atu i aso na maua ai.

• Atonu e lē mafai ona e faitauina i se aso se tasi se lomiga telē e pei o se mekasini. Ae ina ia fesoasoani e iloa le vaega na gata ai lau faitau, faaopoopo lenā mekasini i le vaega “Favorites.” Pe a māeʻa ona faitau le mekasini, ona aveese lea mai i le “Favorites.”

O isi mea e pei o tala i mea o tutupu ma faasilasilaga, e na o le jw.org e maua ai ae e lē maua i le JW Library. O lea, ia siaki e lē aunoa le vaega “Mea Fou” i la tatou Upega tafaʻilagi mo isi mataupu fou.