Ka i tese uvidio man ngeren mba hev sha JW Library^® man jw.org, henpe i nger ér “What’s New” (“Kwagh u I Sember Veren Yô”) la. U er nan ve u zua a ma kwagh u he hen ijiir nee?

• Ka i due a ngeren u he sha JW Library sha itinekwagh i i duen a ngeren sha mi hanma shighe yô, sha u seer akaa a he sha ngeren mba i vande duen a mi sha itinekwagh shon la. Nahan shighe u ngeren mba ve har sha ma itinekwagh ve due henpe i nger ér “What’s New” la yô, danlood u i sember duen a mi sha itinekwagh shon la. U been yô, u fatyô u ôron ngeren u he shon, ka un je ka a lu u hiihii ye. Hanma ngeren ka i tese werayange u i dugh a na yô, nahan u fatyô u fan ngeren u i sember veren la sha werayange u i tese la.

• Ityakeda i lun a upeeji kpishi er magazin nahan cii, u fatyô u ôron i been hen shighe môm ga. Nahan hanma shighe u u ôr magazin u bee ga yô, u fatyô u veren un henpe i nger ér “Favorites” la, sha er u za hemen u ôron zan zan u kar been yô.

Ngeren mbagenev, er abaver man ripoti kua akaayôôn nahan, ka sha ijiir yase i jw.org la tseegh i duen a mi ye, ka sha JW Library ga. Umbur u zan henpe i nger ér “What’s New” (“Kwagh u I Sember Veren Yô”) la, sha ijiir yase i sha Intanet la hanma shighe cii, sha er u ôr ngeren mba hev yô.