Ka cipandze leci ca ku “Wona zva zviswa” lomu ka JW Library^® ni lomu ka jw.org, ku kumeka mahungu ma ha hi ku cheliwako. Hi nga ci tirisisa kuyini a cipandze leci kasi hi nga hundziwi hi nchumu?

• Ndzima ni ndzima yi cheliwa loku ku atuwalizariwa cipandze leci a ndzima leyo yi lumbako cona. Hikwalaho, loku a ndzima yo kari yi woneka laha ka cipandze “Wona zva zviswa” u nga chisa mahungu yo gumesa ya cipandze leco. Makunu, u nga lera a ndzima yiswa yi nga le hehla ka cipandze leco. A tindzima leto ti xaxametilwe hi kuya hi siku legi ti nga cheliwa hi gona.

• A mabhuku ya hombe, yo kota marevhista, a ku vhululeki tindzima tontlhe hi khati gin’we. Kasi a bhuku legi u lerako gi nga lahleki na u nga se mbheta, zama ku gi veka laha ka cipandze “Favoritos” kala u mbheta ku lera.

A mahungu yo kari, yo kota mibiko yo kari kutani zvitiviso, ma cheliwa lomu ka saite jw.org basi; lomu ka JW Library a ma kona. Makunu, u nga rivali ku nghena hi kukhandzakanya lomu ka cipandze “Wona zva zviswa” ca jw.org kasi u kuma mahungu ya maswa.