Ẹbẹre rẹ “What’s New” rọhẹ JW Library^® kugbe jw.org yen wọ da cha mrẹ iyovwinreta vẹ ividio kpokpọ ra vwọphia vwẹ wẹbsaiti na. Mavọ yen wọ sa vwọ reyọ ẹbẹre nana vwọ guọnọ erọnvwọn kpokpọ ra vwọphia?

• Kọke kọke yen e vwo siobọ nẹ iyovwinreta kpokpọ, e mi ji phi ayen phiyọ asan ro fori nẹ e dia vwevunrẹ article series na. Ọtiọyena, uyovwinrota kpokpọ rọhẹ article series da vwomaphia vwẹ ẹbẹre rẹ “What’s New” na, wọ sa danlodu rẹ uyovwinrota na vwẹ ẹbẹre nana. Wọ sa mrẹ uyovwinrota kpokpọ vẹ ẹdẹ ra reyọ vwọphia ru wo se se.

• Ọ cha reyọ ọke wo ki se se ẹbe re pha grongron kerẹ imagazini re ẹsiẹvo. Rere wọ sa vwọ riẹn asan ru wọ da dobọji vwẹ isese na, gbe phio phiyọ asan re se Favorites wọ sa vwọ ton e se rọyen phiyọ ọke ofa bẹsiẹ wo vwo se re.

Vwevunrẹ wẹbsaiti rẹ jw.org ọvo yen evuẹ efa kerẹ iyẹnrẹn kpokpọ kugbe aghwoghwo da vwomaphia, ọ dia JW Library. Karophiyọ ni ẹbẹre rẹ “What’s New” ri wẹbsaiti na nọke ra ruọke wọ sa vwọ mrẹ iyovwinreta kpokpọ ra vwọphia.