Mpantta oni “Novidades” ori va JW Library^® ni mpantta oni “itthu sa niinaano” ori va jw.org, sinniphwanyaneya myaha ni iviidiyu sikumiheriwe niinaano. Nto munrowa orumeela sai mpantta owo wiira musuwele itthu sikumiheriwe niinaano?

• Okathi inikumiheriwa aya myaha mpantta oni “Novidades”, eyo entaphulela wiira mpantta owo, wookumiheriwa mwaha musya. Akhala wiira munoobaxari myaha iyo sikumiheriwe niinaano, munoowerya osoma mwaha okumiheriwe niinaano. Nave munoowerya ophwanya mwaha owo epaaxina yoopacerya moovarihana ni nihiku okumiheriwe aya mwaha owo.

• Akhala wiira sookhala iliivuru sirina ipaaxina sinceene, ntoko irevista, woonasa wene nyuwo khamunrowa owerya osoma erevista yootheene nihiku nimosa. Nto munrowa owerya sai wuupuwela iliivuru muhimalinhe anyu osoma? Munoowerya wuupuwela vakhala wiira munoohela mpantta oni favoritos.

Myaha sikina, ntoko ihapari ni soohimmwa siniphwanyaneya paahi esaite jw.org, ohiya aplikativo JW Library. Tivo muhiliyaleke oxukuryaka mpantta oni “Novidades”, yeeyo eniphwanyaneya musaitini epaaxina yoopacerya.