Lu sección «Cani nacubi» stiʼ JW Library^® ne stiʼ jw.org, zeeda información ni jma nacubi. ¿Ximodo zanda iquiiñenu sección riʼ para ganda gánnanu gunáʼ nga ca ni nacubi biree yaʼ?

• Ora guiree ti artículo nacubi, raca actualizar catálogo ra nuu stale tema, ne catálogo ca riuu ni lu sección ni láʼ «Cani nacubi». Racá zanda guni descargarluʼ versión ni jma nacubi stiʼ catálogo ca. ¿Ximodo zanda guidxélaluʼ artículo ni jma nacubi biree para gúʼndaluʼ yaʼ? Bixhele catálogo ca ne guyé ra nuu primé artículo ni zeeda lu lista stini, nexheʼ chaahuiʼ ni pur fecha.

• Nuu publicación napa stale yaza casi revista ne zándaca que riluxe gúʼndaluʼ ni ti dxi si. Zanda cuʼluʼ ni lu «Favoritos» ti ganda guidxélaluʼ ni jma nagueenda ne zacá guiluxe gúʼndaluʼ ni despué. Ne ora maʼ biluxe bíʼndaluʼ ni la? zanda gáxhaluʼ ni lade ca favorito stiluʼ.

Cadi guiráʼ ni riree lu sitiu riuu lu JW Library. Nuu xcaadxi tema ni riree lu jw.org si casi ca noticia stiʼ ca testigu stiʼ Jehová. Cadi guiaandaʼ gúʼyaluʼ ni riree lu sección ni láʼ «Cani nacubi» para gúʼndaluʼ ca artículo ni deruʼ biree.