Ka mongwaga wone, mokgahlo wa Jehova wo yye wa tšhentšha dilo tse dingwana tsa gore di yye dya gelepa gore bo ba go Tšhuta Bhayibele go nape go ba ngata ka yyoši. Sewokamelo se yye sa thomisa go gatisa tso di hlatollang lengwalo lo ba yyeng ba tšhuta ka lona ga Mogahlano wa go Rapela le wa go Thanakisa Jehova, wa beke ye nngwana le ye nngwana. Go tokegela gana hone, bo ba gore ba Tšhutisa Bhayibele ba yye ba phrintha khalenda ya go šupetsa gore ke lengwalo lefeng la gore ba nyoko petapeta ka lona mogahlanong beke ye nngwana le ye nngwana fote le koša yo ba nyoko yi yepelelang letšatši lo ba tšhutang Bhayibele ba ntoši kela ka morapelo wa mutši.

Bo ba gore ba Tšhuta Bhayibele mo ba le mogahlanong wa bona mo ba fetola, ne ba bolabola ka dilo tso ba gahlanneng natso mo ba le tšhomong, ba hlaya le gore ke ntaba ba leboga Jehova, ke ntaba ba yepelela koša le go rapela. Eva Barney, wa gore o kolobetsiwwe ka 1923 a na le 15 ya mengwaga o gopola gore: “Mo nkare ne go na le so ne o nyaka go se bolabola, ke mo o tshwanele gore o yemelele ke mokane o thomise ka go hlaya mantsu ya gore, ‘Ke nyaka go leboga Morena ka taba la dilo tsa gabutši tso a šeleng a mmakele tsona.’” Magageru ya mangwana ne ma kwana ka matla le go hlaya tso ma gahlanneng natso. Mogageru wa mosadi wa ga Barney o tokegele ka gore: “Mogageru Godwin ne a na le dilo tsa go tlala ka matla tsa gore ne a leboga Morena. Mara mo mosadi wage a šele a di bonne tsa gore mogageru ye ne a tshwere mogahlano o thomisa go šekela, mosadi wage ne a goga jase ya monnage ka gonyana ke mokane monnage ne a kgomolela fote a dula fase.”

Phutego ye nngwana le ye nngwana ke mo yi tshwara Mogahlano wa go Rapela le wa go Thanakisa Jehova ga teya ka kgwedi. Sewokamelo sa 1923 April 1, mo se hlatolla mogahlano wowa se yitseri: “Sekopa ka ssoši sa mogahlano wone ne ba fetola fote ba bolabola ka tso ba gahlanneng natso mo ba kene ba maka mmereko wa go tšhomayela fote ba tiyisa bo ba gore ba maka mmereko wone. . . . Re fo tshepa gore megahlano yowa ya go re tiyisa yi nyoko maka gore senghana sowa se nape se hluhlutele tsa nkare ka moka.”

Charles Martin, wa gore ne yi le motšhomayedi wa gore o na le 19 ya mengwaga wa gore o tšwa ku Vancouver, Canada, o yye a tšhuta tsa go tlala ga megahlano yowa. O gopola gore: “Ke mo ke tšhutiyeng gona la mathomo go tšiba so ke tshwaneleng go se bolabola mo ke tšhomayela mutši ka mutši. Ga go tlala, motho ye mongwana ne a fo re botsa ka tso a gahlanneng natso mo a kene a maka mmereko wa go tšhomayela mutši ka mutši. Tsotsone di n’gelepiye gore ke thogo tšiba tso nka di hlayang le gore nka fetola byang mo re sa kwane ka ditaba tso re di bolabolang.”

Taba ya gore ne go na le matšatši ya go ya tšhomong yi makiye gore magageru ma be selo ka ssoši fote ma kwa di ma tšhofa gore ma ye go ye tšhomayeleng. Sewokamelo sa April 1, 1923 se hlayye gore: “Byalo ka taba la gore ka mokana ga rune re bereka mmereko wa go tshwana . . . , Labobedi la di 1 tsa May, 1923, ne go le letšatši la gore ba le kgetiye gore ke la go tšhomayela. Ka nthago ga hone Labobedi le lengwana le lengwana ne go ko ba letšatši la tšhomo . . . Ye mongwana le ye mongwana ka ho phutegong ke mo a tshwanele go tšhela letsogo ga mmereko wowa.”

Le mong bo ba gore ba Tšhuta Bhayibele ba gore ke ba banyana ba yye ba tšhela letsogo ga mmereko wowa. Hazel Burford, wa gore ne a na le 16 ya mengwaga ka nako yonone, o yitseri: “Kgatiso ya Bulletin ne yi gelepa ka matla (yi tshwana le dipolabodisano tso re ka di kopang) gore re thogo di tshwara ka hlogo. a Nna le kokwane waka wa monna ne re karakara ka matla mo re maka mmereko wowa.” Mara, mogageru wa mosadi wa ga Burford ne a makatsiye ke ka mokgo mogageru ye mongwana a yyeng a tikwa ka gona mo a mo kwa a tšhomayela. O yitseri: “Mogageru ye mongwana wa gore o gudiye ne a ganana ka matla le taba ya gore ke bolabole le batho. Ka nako yonone, ba bangwana ne ba sa kwisisi gore bo ba go Tšhuta Bhayibele ka mokana ga bona, go tokegela le ‘banna le basadi ba gore ba sa gola,’ ba tshwanele go tšhela letsogo ga taba ya go thanaka Modimo wa rune wa gore o makiye dilo ka mokana ga tsona.” (Pis. 148:12, 13, King James Version) Mara mogageru wa mosadi wa ga Burford o yye mahlong a fo tšhomayela. Ka nthago o yye sekolong sa Gilead sa tlelase ya mabedi fote a ba morumiwa ku Panama. Mo nako yi kene yi ya magageru yane ma yye ma lukisa ka mokgo ne ma tseya taba ya gore bo ba gore ba sa gola ba ye tšhomong.

Megahlano ye megolo yi makiye le gore magageru go be selo ka ssoši. Ga megahlano ye megolo ya go tlala ne go na le letšatši la gore ba ya go ye tšhomayeleng. Mo re beyisa, mogahlano wo mogolo wa gore ne ba wo tshwarele Winnipeg ku Canada, ka mokana ga bona bo ba gore ne ba le gona ga mogahlano wone wo mogolo ba yye ba ba mema gore ba tšhomayele ga toropo yone ka di 31 tsa March. Ka matšatši yawa ya go hlawolega ya go tšhomayela, ba yye ba segelela batho ba go tlala fote go yye gwa ba le maphomela ya gabutši ka matla. Ka di 5 tsa August, gana hala ga 7 000 ya batho ba yye ba ya ga mogahlano wo mongwana wo mogolo ku Winnipeg. Ka nako yonone ne go le mong la mathomo ga  mogahlano wo mogolo wa ku Canada go segela batho ba go tlala ka matla.

Mogahlano wo mogolo wa gore re ka sa tsoge re wo libele wa batho ba Jehova, wo yye wa tshwariwa ka August 18-26, 1923 ku Los Angeles, California. Ga mabeke ya gore go nkgela mogahlano wo mogolo, dikuranta di sabalatsiye mogahlano wone fote bo ba go Tšhuta Bhayibele ba sipidisiye diphephane tsa go teya ka ku ga 500 000. Ke mo ba na le dibhote tsa go sabalatsa mogahlano wo mogolo mo ba kalamelang gona tsa go kalama le ga dikoloyi tsa gore a di renki.

Ka Lesonto la di 25 tsa August, Mogageru Rutherford o yye a beya polabolo ya gore “Dinku le Dipudi” ga gore o yye a hlatolla “dinku” go le batho ba go loka ba gore ba nyoko phela pharadeyising mo lefaseng. Fote o yye a beya polabolo ke mokane a bala tso ne ba tshwanele ba di make, tsa gore “Pasopaneng.” Taba yone ne yi beya dikereke tsa matsaka lekgwaying gore a di ya loka fote yi hlohletsela ba go loka gore ba kganele le “Bhabhilona ye Mogolo.” (Kut. 18:2, 4) Ka nthago, bo ba go Tšhuta Bhayibele ba gore ba na le matšato lefaseng ka mokana ga lona ba yye ba sipidisa dimiliyoni tsa diphephane tsa go bolabola ka taba yowa.

Ka letšatši la mafelelo la mogahlano wo mogolo, ba gore ne ba theetsele ne go le ba go feta 30 000, ba kwile mo Mogageru Rutherford a beya polabolo ya batho ka moka ya gore “Ditšhaba ka Moka di Bakiye ga Aremaghedoni, Mara Dimiliyoni Tsa Gore di ya Phela Gana Byalo di ka sa sa Kgwa.” Bo ba go Tšhuta Bhayibele ne ba yemele gore go be le mogoba wa go tlala wa batho, nka taba lo ba yyeng ba hira hala Los Angeles Coliseum. Gore ye mongwana le ye mongwana a thogo kwa, magageru ma yye ma berekisa mbhošongho wa gore ke wa gana hone setediyamo wa gore ka nako yonone ke mo wo sa tšwa go kena. Ba bangwana ba go tlala ne ba theetsele letheto lowa wayilising.

Ka mongwaga wa 1923, ne go na le mmereko wo mogolo wa go tšhomayela ku Afrikha, Yuropo, India, le Borwa bya Amerikha. Ku India, Mogageru A. J. Joseph ne a bereka ka tsa go yelana le dipuku tsa mmolabolo wa Sehindi, Setamil, Setelugu le Seurdu a kene a pasopa mosadi wage le kobodi ya bana bage.

Ku Sierra Leone, bo ba go Tšhuta Bhayibele go leng Alfred Joseph le Leonard Blackman ba yye ba ngwalela ba ntlo ye kgolo ya Brooklyn ku New York, ba kgopela gore ba ba gelepe. Ka di 14 tsa April 1923, ba yye ba kraya phetolo ga taba yo ba yi kgopeleng. Alfred o yitseri “Ka Mokibela wo mongwana bošego, ke f’lo kwa fowunu yi lla.” O kwile lentsu la gore la rasa le butsisa gore, “Ayitsano ke wene o ngwaleleng Watch Tower Society o kgopela batšhomayedi?” Alfred o fetodiye ka gore “eya.” Ke mokane motho yenene a re, “Ba rumme nna.” Lentsu lone ne go le la William R. Brown. Ba segele letšatši lone, yene le mosadi wage Antonia le barwediya ba bona ba gore ba sa gola Louise le Lucy. Ne di sa hlokege gore magageru ba ba yemele nako ya go lefa gore ba segele.

 Alfred o tokegele ka gore: “Ka letšatši la go latela ka bošego nna le Leonard ne re gapa setšhuto sa rune sa Bhayibele sa beke ye nngwana le ye nngwana. Jikijiki, ra fo bona go nyarela morene mongwana wa go lefa. Ne go le Mogageru Brown. Ne a na le matšato ka matla tsa gore ne a nyaka go beya polabolo ya batho ka moka ga letšatši la go latela.” Mo go soko bane go fela kgwedi, Mogageru Brown ne a šele a sipidisiye dipuku ka mokana ga tsona tso ne a tlile natso. Go se botala, ba yye ba mo neya 5 000 ya dipuku tse dingwana mara le tsona a gwa tseya nako ke mo a šele a di sipidisiye fote ke mo go nyakega dipuku tse dingwana tsa go tlala fote. Mara Mogageru Brown ne a sa tšibege go le monna wa go rekisa dipuku. Mo a kene a maka mmereko wo wa nako ya go lefa go le lelata la Jehova la go na le matšato, ne a fo dula a hlaya Mangwalo mo a beya dipolabolo, ka taba la tsotsone ne ba re ke Brown wa Dibhayibele.

Ku Germany, magageru ma yye ma segelela sepheto sa gore ma rure ga ofisi ya lekala la Barmen ka taba la gore ke mo yi le ye nyana ka matla. Fote ma yye ma di kwelela tsa gore go se botala masole ya France ma nyoko hlasela toropo yone. Bo ba go Tšhuta Bhayibele ba yye ba kraya poleke ye kgolonyana ku Magdeburg ya gore yi bonala yi le gabutši gore ba ka phrinthela gona. Ka di 19 tsa June, magageru ke mo ma fetsiye go paka dilo tso ma diberekisang go phrintha le diphahlo tse dingwana ke mokane ma rurela ga Bethele ya nyuwane ku Magdeburg. Ka lona letšatši lone ka nthago ga mo ba butsiye ba ntlo ye kgolo gore ba šele ba ruriye, dikuranta di hlayye gore France yi šele yi lawola toropo ya Barmen. Magageru ma lebogiye Jehova gore o ma tšhireletšiye le go ma gelepa.

Ku Brazil, George Young wa gore ne a sepela leyeto la go lefa a tšhomayela ditaba tsa go bafala o yye a bula lekala la nyuwane ke mokane a thomisa go hlatolla Sewokamelo ka mmolabolo wa Sepotokisi. Mo go soko bane go fela dikgwedi tsa go tlala, ke mo a šele a sipidisiye dipukwane le dimakazini tsa go teya ka ku ga 7 000. Sarah Ferguson ke mo a jabodiye ka matla mo mogageru Young a vakašela mutši wage ku Brazil. Sarah ke mo a kene a bala Sewokamelo go tlugisela ka 1899, mara a sanka a kgona go šupetsa gore o tineyele ka go kolobetsiwa. Ka nthago ga dikgwedinyana, Mogageru wa mosadi wa ga Ferguson le bana bage kanne ya bona ba yye ba kgona go kolobetsiwa.

Mo mongwaga wo le thina le go fela, Sewokamelo sa December 15, 1923 se yye sa hlatolla ka mokgo dilo tso di tšhentšhiyeng mogahlanong, tšhomong, le megahlanong ye megolo di yamang bo ba gore ba Tšhuta Bhayibele. Se yitseri: “Di fo ba lekgwaying gore diphutego tsone di na le mong tumelo ya go tiya ka matla. Tla re tilukiseleleneng mmereko wo mogolo fote re ye mahlong re berekela Modimo wa rune re na le matšato fote re jabodiye ka mongwaga wa 1924.”

Mongwaga wa 1924 ne wo jabodisa ka matla ga bo ba gore ba sa Tšhuta Bhayibele. Magageru ya ku Bethele ma fetsiye dikgwedi tsa go tlala ma kene ma tshwaraganne ka mmereko wa go yaga ku Staten Island, ga gore ke thina le ntlo ye kgolo ku Brooklyn. Meyago yo ba yi yagiyeng ga poleke ya nyuwane ba yi fetsiye mathomisong ya 1924, fote tsotsone di gelepiye gore magageru go be ngata ka yyoši fote ma sabalatse ditaba tsa go bafala ka mokgwa wa gore a sanka ma wo bona.