P’eeghe emạ eepoogh dị yira omhoọgh orọl aani asiḍio dị aZihova ragananamhi kaḅilhẹ aagholhomhi onhaghạn aḍughụm aBaibul phọ ayira eten dị ke/rọl ghan. (Dan. 12:4) Toroboiperolbọ, eeni amem rikparanhaạn ghan ni iyira olhegheri omhoom onhaghạn aḍughụm igey aBaibul dị ooḅenhion. Nạ kakị ḍighen kụ amiịn ghan raraạr dị mooḅenhion oḅilhẹ ogbạ emhụ phọ otụ bọ ooḅenhion?

• Emhuoghaạph phọ “Beliefs Clarified” siphẹ Watch Tower Publications Index amoọgh ni sikoọl onhaghạn aḍughụm ayira dị mooḅenhion dị edaphạn siạ phọ. Orue omhiịn idị edaphạn rumhuoghaạph, pọ gẹ “understanding clarified” (ḅarạm ni quotation marks phọ) siphẹ asearch box aWatchtower Library obobọ Watchtower ONLINE LIBRARY^™ phọ.

• AResearch Guide for Jehovah’s Witnesses apạm aani kẹn ni iphurukpu dị edaphạn rumhuoghaạph. Kiạ siphẹ “Jehovah’s Witnesses,” kụ azụ “Views and Beliefs,” kụ aḅilhẹ azụ “Clarification of Our Beliefs.”

Mem dị nạ rapạm ituughạ ogina anạ, nạ atue ni asighẹ oniin onhaghạn aḍughụm ayira dị mooḅenhion atuughạ abughẹ ilọ ooḅenhion phọ ḅilhẹ r’emhụ iyaạr phọ otụ bọ ooḅenhion.