Wabekwo i saa ma ber magwei ma Yehova ubekonyowa nok nok nimedo nyang’ mwa iwi Biblia. (Dan. 12:4) Re saa moko eromo bedo iwa tek ning’eyo lero ma tokcen m’uwok iwi kite ma wanyang’ ko i lemandha moko mi Biblia. Dong’ wacopo nwang’u lerone kani?

• I the thiwiwec “Compréhensions affinées” mir Index des publications des Témoins de Jéhovah, jurieyo lero ceke m’uwok nimakere ku oro ma giwok i iye. Pi ninwang’u thiwiwec ma tung’ tung’ne, kiew “Compréhensions affinées” (igoy kume de kumeno) kaka ma jutimo iye sayusac i Watchtower Library kunoke i Watchtower BIBLIOTHÈQUE EN LIGNE ^™.

• I Buku mi timo sayusac mi Jumulembe pa Yehova (mi français) de jurieyo thiwiwecne moko. Kan imondo i iye, cidh iwi “Témoins de Jéhovah,” i ng’eye iwi “Croyances, convictions,” e ilor iwi “Compréhensions affinées.”

Pi program mi ponji peri ma segi, iromo ng’iyo thiwiwec moko ma lero uwok i wiye i nindo ma ceng’ini eni man isayu kite ma wanyang’ ko i iye kawoni. Ibinwang’u bende thelembe m’ucwaluwa niwilo nyang’ mwane nimakere ku Lembagora.