Itiniay kita i kalipahakan a lalintadan maˈorip. Palalinien to iˈayaway, nohatini padamaay ci Yihofa kitanan cipinang to adihayay soˈlinay kimad no Fangcalay Cudad. (Taniil 12:4) Nikawrira, tona misalofan no likakawa no Kawas ko adihayay noka pitadtad to Fangcalay Cudad, pasangaran nanay kita mitoor a misalof alatek. Wa icowa kita mikilim to safaelohay a pitadtad hani?

• Itini Pirorodan to Mitepangan Cudad no Mikecolay iraay ko “Safaelohay a Pitadtad” sanay a tilid, ilaeno nira iraay ko pakamihecaan a safaelohay a pitadtad. Ano sapidoedoaw to lalangian a mikilim tonini safaelohay a pitadtad i, itini iWatchtower Library anoca Mikecolay SOKO I WANGCAN misolap to “safaelohay a pitadtad.”

• Itini Pirorodan to Mitepangan Cudad no Misawacayay Tamdaw ni Yihofa ilalomaˈ iraay ko ihkalay a rayaray, tano lalangian a misilsil. Salakat kilimen ko “Misawacayay Tamdaw ni Yihofa,” dotoc kilimen ko “Pakasoˈlinan ato Pinengneng,” salikor kilimen ko “Safaelohay a Pitadtad.”

Itini notekedan a picekiw iso, piliˈen ko cecay safaelohay a pitadtad, ikor calepen a micekiw konini safaelohay a pitadtad no likakawa no Kawas, ato misalalangiay to maanan Fangcalay Cudad konini noka pisalof.