Yumi laef long wan impoten taem, Jehova i stap mekem ol save blong Baebol oli kam moa klia i bitim bifo. (Dan. 12:4) Be maet i had long yumi blong kasemsave gud long ol niufala save ya. Sipos i olsem, ?weples yumi save faenem ol niufala save ya, mo eksplenesen blong olgeta?

• Long Watch Tower Publications Index long haf ya “Beliefs Clarified,” i gat lis blong ol niufala save we i kamaot folem ol yia. Blong luk lis blong ol topik, raetem “understanding clarified” (inkludum ol kwotesen mak) long bokis ya lukaotem we i stap long Watchtower Library o Wajtaoa LAEBRI LONG INTENET^™ long Inglis.

• Long Buk Blong Mekem Risej, i gat wan sot lis blong ol topik. Yu go long “Ol Witnes Blong Jehova,” afta “Ol Bilif Mo Ol Tingting,” mo biaen go long “Tijing i Kam Klia Moa.”

Long taem blong pesnel stadi, i gud yu jusum wan niufala save we i jes kamaot, mo yu mekem risej long niufala save ya, mo luk vas we i eksplenem risen from wanem save ya i jenis.