Makapalipay nga sa atong panahon karon, anam-anam nga giklaro ni Jehova ang atong pagsabot sa Bibliya kay sukad masukad. (Dan. 12:4) Pero usahay, malisdan tingali ta sa paghinumdom niini nga mga kausaban sa atong pagsabot. Asa nato makita kini nga mga kausaban ug mga eksplinasyon?

• Sa Watch Tower Publications Index ubos sa ulohang “Beliefs Clarified,” makita nato ang kompletong listahan sa mga kausaban ug kon unsang tuiga kini gi-publish. Para sa listahan sa mga topiko, i-type ang “understanding clarified” (apil ang mga quotation mark) sa search box sa Watchtower Library o Watchtower ONLINE LIBRARY^™.

• Sa Giya sa Pagpanukiduki Para sa mga Saksi ni Jehova, makita ang mubong listahan sa mga kausaban nga gihan-ay pinaagig topiko. Tan-awa ang “Mga Saksi ni Jehova,” dayon “Baroganan ug Tinuohan,” ug dayon “Katin-awan sa Atong mga Pagtulon-an.”

Ingong personal study project, unsa kaha kon mag-research ka bahin sa usa ka bag-ong kausaban sa pagsabot ug susihon ang Kasulatanhong basehanan kon nganong gibag-o kini?