Te poɔ pɛlɛɛŋ yaga zaa te naŋ be nyɔvore poɔŋ pampana, bonso Jehoova vɛŋɛɛŋ ka a Baabole poɔ yɛlɛ maaleŋ kyaana a gaŋ saŋa zaa naŋ pare. (Daan. 12:4) Kyɛ aminekaŋaŋ a na eɛ kpeɛŋaa ko te ka te baŋ wuli paala na zaa ba naŋ wulo te a kyaare Baabole yelmenne na. Yeŋ teŋ na baŋ nyɛ a wuli paala ŋa zaa?

• A Watch Tower Publications Index taa la yelzu kaŋa baŋ boɔlɔ “Beliefs Clarified.” Ho na baŋ nyɛɛ a wuli paala zaa beŋ, ane yuoni na baŋ wane ana wuli paala na aŋ tutu taa. Ka hooŋ boɔrɔ ka ho nyɛ a yelzuri mine naŋ bebe, ho na baŋ sɛge la “understanding clarified” (sɛge a quotation marks poɔ) eŋ a bɔ zie naŋ be a Watchtower Library bee Watchtower ONLINE LIBRARY^™ zuŋ.

• A Research Guide for Jehovah’s Witnesses meŋ taa la a yelzuri mine naŋ tutu taa. Gaa “Jehovah’s Witnesses,” a gaa “Views and Beliefs,” a pãã gaa “Clarification of Our Beliefs.”

Ka hooŋ boɔrɔ, ho meŋɛ boma zannoo saŋa, ho na baŋ zannɛɛ a wuli paalaa na kaŋa baŋ wane aŋ naŋ ba kɔɔre yɛlɛ, a peɛre nyɛ wuli paalaa na te naŋ taa pampana ane Baabole sɛgre naŋ wuli ka aseŋ ka ba e ana leɛroo na.