Nou ka viv on épòk ki èstraòwdinè toubònman. Alèla, Jéova ka édé-nou konprann pibyen sé vérité-la nou ka touvé adan Bib-la (Dan. 12:4). Men délè nou pé ni dimal a suiv sé chanjman-lasa. Alò, ola nou pé touvé tout sé chanjman-lasa ?

• Si ou k’ay adan Index des publications des Témoins de Jéhovah é kè ou ka chèché « Éclaircissements doctrinaux » ou ké touvé tout sé chanjman-la ki ni la sèlon lanné-la yo sòti la. Si ou vé vwè lis a chak sijé ki ni chanjman adan, maké « éclaircissements doctrinaux » (pa oubliyé sé giymé-la) adan ti karé-la ki fèt pou fè rèchèch la ki adan Watchtower Library oben adan BIBLIOTHÈQUE EN LIGNE Watchtower.

• Si ou k’ay adan Guide de recherche pour les Témoins de Jéhovah, ou ké touvé on lis a sijé ki ni chanjman adan men pé’é ni tout sé sijé-la. Pou-w touvé-y, ay adan « Témoins de Jéhovah » ; aprésa ay adan « Croyances, convictions », é ou ké tonbé asi « Compréhensions affinées ».

Pwochen kou ou ké étidyé tousèl a-w, pétèt ou té’é pé étidyé yonn adan sé dènyé chanjman-la yo fè la pou chèché a konprann-li pibyen é pou konprann poukwa yo fè chanjman-lasa. Ka ou di ?