આજે આપણે રોમાંચક સમયમાં જીવી રહ્યા છીએ. ધીરે ધીરે યહોવા આપણને બાઇબલ વિશે પહેલાં કરતાં વધારે સમજણ આપી રહ્યા છે. (દાનિ. ૧૨:૪) પણ બાઇબલ સત્ય વિશે આપણી સમજણમાં જે સુધારા થાય છે, એ વિશે પોતાને માહિતગાર રાખવા કદાચ આપણને અઘરું લાગે. ચાલો જોઈએ કે એ માહિતી ક્યાંથી શોધી શકીએ.

• જે વિષયો વિશે આપણી સમજણમાં સુધારો થયો છે, એમાંના અમુક વિષયો યહોવાના સાક્ષીઓ માટે સંશોધન માર્ગદર્શિકામાં આપ્યા છે. એ વિષયોની સૂચિ જોવા “યહોવાના સાક્ષીઓ” વિષયમાં “વિચારો અને માન્યતાઓ” ગૌણમથાળામાં “સમજણમાં સુધારો” જુઓ.

વ્યક્તિગત અભ્યાસ કરો ત્યારે, “સમજણમાં સુધારો” ભાગમાંથી કોઈ વિષય પસંદ કરો. તમે સંશોધન કરી શકો કે એ વિષય પર આપણી હમણાંની સમજણ શું છે અને એમાં કેમ સુધારો કરવામાં આવ્યો છે.