Tuichaiterei mbaʼe ningo ñandéve g̃uarã jaiko koʼã tiémpope. Jehová tuicha ñanepytyvõ ñantende porãve hag̃ua jahávo umi mbaʼe omboʼéva la Biblia (Dan. 12:4). Upéicharõ jepe, ikatu sapyʼánte ijetuʼu ñaime hag̃ua al día umi entendimiénto pyahu oĩvare. ¿Moõpa ikatu jatopa umi mbaʼe oñekambia vaʼekue ha ijexplikasión?

• Pe Índice de las publicaciones Watch Tówerpe oĩ peteĩ párte heʼihápe “Aclaración de creencias”, upépe jatopáta peteĩ lísta oĩháme umi entendimiénto pyahu por áño. Avei ikatu jaipuru pe Watchtower Library térã pe BIBLIOTECA EN LÍNEA Watchtower^™ jaheka hag̃ua umi entendimiénto pyahu por téma. Upearã jaskrivi vaʼerã “Aclaración de creencias” (umi komílla reheve).

• Pe Gía oipurúva testígo de Jehová otopa hag̃ua informasión oreko avei peteĩ lísta mbykyvéva oĩháme umi entendimiénto pyahu por téma. Jatopa hag̃ua ikatu jaha heʼihápe “Testígo de Jehová”, upe rire pe párte heʼihápe “Ñane kreensiakuéra”, ha upéi katu heʼihápe “Entendimiénto pyahu”.

¿Mbaʼérepa nañaanalisái ñande estúdio personálpe peteĩ entendimiénto pyahu? Ñainvestiga mbaʼéichapa koʼág̃a ñantende ha mbaʼérepa ojejapo pe kámbio.