Ọ ri ang ọkpịpyọ nyọka hịhị lụka ọlẹ ká iJihova wẹẹ da etu nya ẹla ịla ịBayịbụụ wụlẹ gụ́ ọọwa. (Dan. 12:4) Ọ lịnyị odu lẹ, ọ ka lahị ujwo myị́ nyọka kpịtịya nya ọ-nwụhọ ịlẹ kị ji wuu u-uhye nya abwọlẹ kahị kaa wo etu nya ẹlịlẹhị ịla ịBayịbụụ. Ale ahị tị́ ka jẹ́-ẹ yẹ ọ-nwụhọ ịịwa bala ọdawụlẹ nyaa?

• Ẹhị nya ẹla ọlẹ kọ ri “Beliefs Clarified” ẹ-ẹpwụ nya Watch Tower Publications Index kaa gba ọ-nwụhọ ịlẹ kị ji wuu kpehe ẹ-ẹpwụ nya ẹka ọnyị myị́ ọnyị. Kori ká tịtọ nyọka yẹ egbeju nya ẹla ịịwa, da nya “understanding clarified” (tụ́ ang-ẹjẹẹ ịlẹ kị da ba egbeju nya ẹlẹwẹ wẹ) ẹ-ẹpwụ nya ẹga kị kaa mwahị nya ang ịị Watchtower Library lee Watchtower ONLINE LIBRARY^™.

• Ụpwụ ọlẹ kọ ri Research Guide for Jehovah’s Witnesses gba egbeju nya ẹla ịịwa kpehe kpii-kpii. Ka ekpeleji nya “Jehovah’s Witnesses,” ká ka “Views and Beliefs,” ọọwa lẹ à ka “Clarification of Our Beliefs” lẹlẹ.

Lụka nya ang ọjẹ́jẹ nyịlọng, à ka jẹ́-ẹ kụ ẹhị yẹ egbeju nya ẹlẹhẹ ọlẹ kị nwụhọ kpangje, ká ka jẹ́ ang u-uhye nyamwụ gụ́ ọọwa nyọka jẹ́ jaabwọ ká etu nyamwụ ri lẹẹlẹẹ bala ang odudu kị yọọ da myị́?