Pɩkɛnɩ-ɖʋ waɖɛ sɔsɔɖɛ se ɖɩwɛ alɩwaatʋ ndʋ tɩ-taa Yehowa wɛɛ nɛ ekuluu Bibl taa tɔm yɔɔ nɛ pɩkɩlɩɣ yɔ. (Dan. 12:4) Paa mbʋ yɔ, pɩpɩzɩɣ nɛ pɩlabɩ-ɖʋ kaɖɛ se lɛɣzɩtʋ ndʋ palaba pɩlɩɩnɩ ɛzɩma ɖɩnɩɣaɣ Bibl taa toovenim tɔm natʋyʋ taa yɔ tɩmalɩnɩ-ɖʋ. Le ɖɩpɩzɩɣ nɛ ɖɩna lɛɣzɩtʋ ndʋ nɛ ɛzɩma palɩzɩ tɩ-taa yɔ?

• Index des publications des Témoins de Jéhovah hɔɔlʋʋ «Éclaircissements doctrinaux» taa, pɔyɔɔdɩ lɛɣzɩtʋ ndʋ palakɩ paa pɩnaɣ ŋga yɔ tɩ-tɩŋa tɩ-tɔm peeɖe. Ye ŋcaɣ se ŋna lɛɣzɩtʋ ndʋ yɔ, ma Watchtower Library yaa INTƐRNƐƐTƖ YƆƆ TAKAYƖSƖ ÐƖZƖYƐ tɛ tɔm ñɩnʋʋ aɖakaɣ taa «éclaircissement doctrinal» (ŋŋmaɣ tɔm ndʋ lɛ, kpɛndɩnɩ yʋsasɩ sɩnɛ «»).

• Guide de recherche pour les Témoins de Jéhovah taa, pekpeɣli tɔm ñʋŋ nɛ ɩwɛɛ tindima ndɩ ndɩ taa. Wolo hɔɔlʋʋ «Témoins de Jéhovah,» pʋwayɩ lɛ, «Croyances, convictions» nɛ pʋbʋ wayɩ lɛ «Compréhensions affinées» taa.

Ŋŋlakɩ ña-tɩ yɔɔ kpɛlɩkʋʋ lɛ, pɩwɛɣ ɖeu se ŋkpaɣ lɛɣzɩtʋ kɩfatʋ ndʋ ɛgbɛyɛ laba pitileɖita yɔ nɛ ŋñɩnɩ nɛ ŋna ɛzɩma ɛgbɛyɛ lɩzɩ pɩ-taa lɛɛlɛɛyɔ yɔ, nɛ Bibl taa lɩmaɣzɩyɛ nɖɩ ɖiyeba nɛ ɛgbɛyɛ la lɛɣzɩtʋ ndʋ yɔ.