Kashi fi tuu oufembanghenda okukala pefimbo opo Jehova ta twikile okupepaleka eudeko lOmbiibeli shi dulife nale! (Dan. 12:4) Ashike nande ongaho, otashi dulika tu mone shi li eshongo okweendela pamwe nomalunduluko e na sha neudeko letu loshili yOmbiibeli. Openi hatu dulu okuhanga omalunduluko a tya ngaho nosho yo omayelifo?

• Ngeenge owa i mo-Watch Tower Publications Index koshi yokapalanyole “Beliefs Clarified,” oto hange mo omusholondodo we lixwa po womalunduluko e likolelela keedula. Opo u mone omusholondodo woikundafanwa, shanga “understanding clarified” (to shi tula moihepaununinghwanyu) mokakongifo ko-Watchtower Library, ile kONGULUMAMBO YOKOINTANETA.

• Embo Elongifwambo lokukonga omauyelele moishangomwa yEendombwedi daJehova oli na omusholondodo muxupi woikundafanwa. Inda pokapalanyole “Eendombwedi daJehova,” to i opo pa shangwa “Omataleko nomaitavelo,” opo nee to i pokapalanyole “Ondjokonona yokunena.”

Pekonakono loye lopaumwene, omolwashike ito hoolola elunduluko olo opo la ningwa nokuninga omapekapeko eudeko olo opo la pepalekwa nosho yo omatomheno opaMishangwa e na sha nelunduluko olo?