យោបល់សម្រាប់សិក្សា
របៀបតាមឲ្យទាន់នឹងការកែតម្រូវនៃការយល់ដឹងរបស់យើង
យើងរស់នៅក្នុងគ្រាដ៏គួរឲ្យរំភើប។ ព្រះយេហូវ៉ាកំពុងបើកបង្ហាញឲ្យយើងយល់អំពីបណ្ដាំរបស់លោកយ៉ាងច្បាស់ជាងពេលមុនៗទៅទៀត។ (ដាន. ១២:៤) ទោះជាយ៉ាងនេះក្ដី យើងប្រហែលជាមិនស្រួលឲ្យការយល់ដឹងរបស់ខ្លួនតាមទាន់នឹងការកែតម្រូវនៃការយល់ដឹងរបស់អង្គការយើងស្ដីអំពីសេចក្ដីបង្រៀនក្នុងគម្ពីរទេ។ តើយើងអាចរកឃើញការកែតម្រូវនិងការពន្យល់ទាំងនេះនៅឯណា?
• សៀវភៅជំនួយស្រាវជ្រាវសម្រាប់សាក្សីព្រះយេហូវ៉ាមានបញ្ជីខ្លីដែលបានត្រូវរៀបចំតាមប្រធានបទ។ សូមចូលទៅប្រធានបទ«សាក្សីព្រះយេហូវ៉ា» បន្ទាប់មក«ទស្សនៈនិងជំនឿ» រួច«របៀបដែលជំនឿរបស់យើងទៅជាច្បាស់ជាង»។
ពេលសិក្សាផ្ទាល់ខ្លួន សូមជ្រើសរើសការកែតម្រូវថ្មីៗ ហើយស្រាវជ្រាវការយល់ដឹងរបស់យើងនៅសព្វថ្ងៃនេះ និងមូលហេតុពីបទគម្ពីរដែលមានការផ្លាស់ប្ដូរនោះ។
