Ni lhusunzo eribyaho omwa buthuku omughulhu lyolho-lyolho Yehova akongera eryuwania eriyitheghererya lyethu lye Biblia kwilhaba kera. (Dan. 12:4) Nomwabine, kyangana thukalira erighenda-ghendania n’esyombinduka sy’eriyitheghererya lyethu ly’ekwenene ye Biblia. Ni hayi aho thwangabana esyombinduka n’erisoborera eri?

• Omwa Watch Tower Publications Index omuthwe “Beliefs Clarified” hali elisti y’esyombinduka erikwamana n’emyaka. Eribana elisti y’emyatsi, handika “understanding clarified” (isiwasigha obuminyikalho) omwa mukuru w’erisonderyamo owe Watchtower Library kutse owe Watchtower ONLINE LIBRARY^™.

• Obusondoli obw’Erisekulya Omwa Bitabu eby’Abema ba Yehova muli elisti nguhi erikwamana n’emyatsi. Ghenda omwa “Jehovah’s Witnesses,” ahali “Views and Beliefs,” n’omwa “Clarification of Our Beliefs.”

Omwa ndegheka yawu y’eriyeghesya, busana naki iwuthasombolha embinduka mbyaka n’erisekulya okw’iyitheghererya lyethu erya lino-lino n’esyonzumwa esiseghemere okw’Amasako esikaleka ihabya embinduka eyo?