ဆၢကတီၢ်ခဲအံၤ ပအိၣ်မူဘၣ်လၢ တၢ်ဆၢကတီၢ်လီၤဆီ လၢအလီၤသူၣ်ခုသးခု. ပတဲဒ်န့ၣ် ခီဖျိလၢ ယဟိဝၤယွၤ ပာ်ဖျါထီၣ်ဝဲ လံာ်စီဆှံတၢ်မ့ၢ်တၢ်တီ အခီပညီ ကယီကယီ အါန့ၢ်ဒံးလၢညါ. (ဒၤ ၁၂:၄) ဘၣ်ဆၣ် တၢ်ဆီတလဲ ဘၣ်ဃးဒီး ပတၢ်နၢ်ပၢၢ် လံာ်စီဆှံတၢ်မ့ၢ်တၢ်တီန့ၣ် တဘျီတခီၣ် ပကဖးအီၤအဂီၢ် ပကဘၣ်ဃု ဖဲလဲၣ်န့ၣ် ပတသ့ၣ်ညါဘၣ်. တၢ်နၢ်ပၢၢ်အသီတဖၣ်အံၤ ပကဘၣ်ဃုကွၢ်အီၤဖဲလဲၣ်.

• လၢတၢးထီခိးတၢ် လံာ်ရဲၣ်လီၤလၢ လံာ်လဲၢ်တဖၣ်အဂီၢ် (Watch Tower Publications Index) အပူၤ နမ့ၢ်ကွဲးလီၤ “Beliefs Clarified” န့ၣ်နကထံၣ်ဘၣ် တၢ်ဆီတလဲ ဘၣ်ဃးဒီး ပတၢ်နၢ်ပၢၢ် လံာ်စီဆှံတၢ်မ့ၢ်တၢ်တီ ရဲၣ်လီၤအသးလၢ နံၣ်တဖၣ်. နမ့ၢ်အဲၣ်ဒိး ဃုကွၢ်လၢ တၢ်ဂ့ၢ်ခိၣ်တီန့ၣ် နကဘၣ်ကွဲးလီၤ “understanding clarified” လၢ Watchtower Library မ့တမ့ၢ် Watchtower ONLINE LIBRARY^™ အပူၤ လၢကီၤလၤဝါကျိာ် မ့တမ့ၢ် လၢပယီၤကျိာ်.

• လၢလံာ်နဲၣ်ကျဲလၢ ယဟိဝၤပှၤအုၣ်အသးတဖၣ် ကဃုသ့ၣ်ညါတၢ်အဂီၢ် (Research Guide for Jehovah’s Witnesses) အပူၤန့ၣ် အိၣ်ဝဲဒီး တၢ်ဂ့ၢ်တနီၤစ့ၢ်ကီး. နဆီၣ်လီၤ တၢ်ဂ့ၢ်မိၢ်ပှၢ်တဖၣ် မ့ၢ်ဝံၤန့ၣ် ဆီၣ်လီၤ “ယဟိဝၤပှၤအုၣ်အသးတဖၣ်” ဝံၤဒီးသုးလီၤ လၢတၢ်ဖီလာ်တုၤလၢ “တၢ်ထံၣ် ဒီးတၢ်စူၢ်တၢ်နာ်.”

ဖဲနမၤ နီၢ်ကစၢ် တၢ်မၤလိလံာ်စီဆှံအခါ ပအဲၣ်ဒိး ဟ့ၣ်ဂံၢ်ဟ့ၣ်ဘါနၤလၢ နကဖး ဒီးဃုသ့ၣ်ညါကွၢ် တၢ်နၢ်ပၢၢ်အသီ လၢအဟဲထီၣ် တယံာ်ဒံးဘၣ်တခါခါ. ဒီးဃုသ့ၣ်ညါစ့ၢ်ကီးလၢ ပတၢ်နၢ်ပၢၢ်အသီအံၤ အဘၣ်လိာ်သးဒီး လံာ်စီဆှံဒ်လဲၣ် ဒီးဘၣ်မနုၤအဃိ ပဆီတလဲအီၤလဲၣ်.