Tudi ba diakalenga bualu tudi mu tshikondo tshidi Yehowa wenda wakajilula ngumvuilu wetu wa bulelela bua mu Bible ku kakese ku kakese kupita kumpala. (Dan. 12:4) Nansha nanku, bidi mua kutukolela bua kupeta malongesha makajilula au. Nkuepi kutudi mua kupetela malu adibu bakaje ne mumvuija au?

• Mu mukanda wa Index des publications des Témoins de Jéhovah mu tshitupa tshia “Éclaircissements doctrinaux” mudi malu onso adibu bakajilule ku tshidimu. Bua kuapeta, funda “Compréhensions affinées” (ufunde ne tutedi anu mudibi mu tshiambilu etshi) mu kazubu ka kukebela ka mu Watchtower Library anyi mu BIBLIOTHÈQUE EN LIGNE Watchtower^™.

• Mu Mukanda wa makebulula wa Bantemu ba Yehowa mudi kabidi malu makuabu atubu bakajilule.

Mu programe webe wa didilongela, udi mua kusungula bualu kampanda budibu bakajilule matuku adi panshi aa, kubuenzela makebulula ukeba ne mvese idi mitufikishe ku diakaja ngumvuilu au.