In qo anqʼin toj jun tbʼanel ambʼil jatumel in nok qkeʼyin tzeʼn in nonin Jehová kyiʼj tmajen tuʼn tel mas kynikʼ tiʼjju in tzaj t-xnaqʼtzaʼn Tyol (Dan. 12:4). Maske ikju, atlo maj kwest in nela toj qwitz tuʼn qxnaqʼtzan tiʼj tkyaqil akʼaj tqanil. ¿Jatumel jaku che kanet tqanil lu quʼn?

• Toj Índice de las publicaciones Watch Tower, jaku kanet parte tuʼna tok tbʼi «Aclaración de creencias». Tzalu, jaku kanet jun lista tuʼna kyiʼj akʼaj xnaqʼtzbʼil o che etz junjun abʼqʼi. Qa taja tuʼn tok tkeʼyina kybʼi, jaku kubʼ ttzʼibʼina «Aclaración de creencias» toj buscador te Watchtower Library moqa BIBLIOTECA EN LÍNEA Watchtower^™, pero miʼn tzʼel tiʼna comillas tiʼj.

• Ax ikx jaku kanet jun lista tuʼna tiʼj kybʼi xnaqʼtzbʼil toj Onbʼil tuʼn kyxnaqʼtzan testigos de Jehová. Tuʼn tkanet tuʼna, jaku txiʼya jatumel in tzaj qʼamaʼn «Testigos de Jehová», yajxitl «Qe ximbʼetz ex aju nimen quʼn» ex te mankbʼil jatumel in tzaj qʼamaʼn «Qe chʼixpubʼil tiʼj qojtzqibʼil».

Tbʼanel qa ma kubʼ t-ximana tuʼn t-xnaqʼtzana tiʼj jun akʼaj tqanil o tzʼetz tiʼj jun xnaqʼtzbʼil. Bʼaʼn tuʼn tjyona tqanil tiʼjju tzeʼn in nel qnikʼ tiʼj xnaqʼtzbʼil jaʼlo ex alkyeqe texto in tzaj kyyekʼin tiquʼn bʼant chʼixpubʼil.