Ikhanle iparakha yuulupale ukhala mmahuku Yehova nonikaviheraawe wiiweeha saana Ibiiblya. (Dan. 12:4) Uhookhalaru commo, hiiva pooti unirikela ucuwela khula ikwaha impankiyaaya marukunuso nhina mananna cintaphuleleehu mwaha cikiina co mbiiblyani. Mapuroni anlamuliyeehu uphwanya ayo marukunuswaayo?

• Wiipaceroni “Esclarecimento de crenças” nhina Índice das Publicações da Torre de Vigia, ihaavo ilista yoolikana ithotokanihiye cittharihiyaka myaakha. Wiira moone iyo ilisteeyo, ntothe “Esclarecimento de crenças” (nhiliyale waahela áspas), nhina Watchtower Library awula BIBLIOTECA ON-LINE da Torre de Vigia^™.

• Nhina Guia de Pesquisa para Testemunhas de Jeová ihaavo ilista yo myaha vakaani cirukunusiye. Nrwee mpaka “Testemunhas de Jeová”, vano “Opiniões e crenças” vano nkele “Explicação de nossas crenças”.

Nnoonela cani nyuuva upanka usoma wo veekha ntothaka nnyo myahannyo? Nyuuva pooti uthanla mwaha mmoca urukunusiye mwamphiyaaruni ni utotha mananna cineeweeheehu phiyaaru ni invaranaca cani itthu irukunusiye niitthu inhimyaaya Ibiiblya.