Vimwe Upondola Okulilongesa
Noñgonoka Otyili Ty’Ombimbiliya Tyayandyululwa Vali Nawa
Tuli momuvo umwe ukahi nawa, omuvo Siovaa eli nokuyandyulula vali nawa otyili ty’Ombimbiliya. (Dan. 12:4) Mahi tupu tyipondola okutupwiya okunoñgonoka aviho viapilauluka viyemba kweetyi ankho tunoñgonoka otyili ty’Ombimbiliya. Opi pavasiwa ovipuka ovio viapilaululwa, papopia umwe omokonda yatyi viapilaululilwa?
• Mo Índice das Publicações da Torre de Vigia, apa pokwati: “Crenças Esclarecidas” opo pavasiwa aviho viapilaululwa, nomanima atyo viapilululwa. Opo pahe utale tyike-tyike omu viapopailwa, enda m’OMBIMBILIYOTEKA ONLINE™ apa pokwati: “Entendimentos Esclarecidos” (mahi tyina unyingila-po onondaka mbatyo mbupaka mono aspa).
• M’omukanda Wokuovolola wo Nombangi mba Jeova, namo muna ononthele mbumwe mbupopia ovipuka vimwe viapilauluka viyemba kweetyi ankho tunoñgonoka otyili ty’Ombimbiliya. Opo uvivase enda apa pokwati: “Onombangi mba Jeova,” oende apa pati, “Omatavelo no Nongeleya,” pahe oende pokwati: “Okuyandyulula Nawa Omatavelo Etu.”
Pahe upondola okulinga omphango yokulilongesa evi viapilaululwa omanima ano viyemba kweetyi ankho tunoñgonoka otyili ty’Ombimbiliya, nonotesitu mbulekesa omokonda yatyi tyapilululilwa.