Ni mwayi ukulu kwene-kwene kwa ifepano kukhala mu nthawe yomwe Yahova akutithandiza kubvesesa cadidi ca m’Bibliya. (Daniyeli 12:4) Tsono bzingatinese kukumbukira nkhani zentse zomwe kabvesesedwe kace kacinja. Kodi n’kuponi komwe tingagumane nkhani zimwezi na kafotokozedwe kace?

• Tingagumane nkhanizi mu Índice das Publicações da Torre de Vigia pa mbali yakuti “Esclarecimento de Crenças.” Mbali imweyi ina lista ya nkhani zomwe kabvesesedwe kace kacinja na gole lomwe nkhanizo zidacinjidwa. Kuti muwone lista ya misolo ya nkhani, nembani kuti “entendimentos esclarecidos” (ndipo mafala yamweya yakhale mkati mwa aspa) pa mbali yakufufudzira ya Watchtower Library ayai pa BIBLIOTECA ON-LINE da Torre de Vigia^™.

• Mu Bukhu Lakufufudzira Nkhani la Mboni za Yahova muna lista ya misolo ya nkhani. Mu bukhu la Chichewa, ndokoni pa mbali yakuti “Mboni za Yehova,” patsogolo pace, pa msolo wakuti “Zikhulupiriro za Akhristu Komanso Mmene Amaonera Nkhani Zosiyanasiyana,” patsogolo pace, ndokoni pomwe padanemba kuti “Kumveketsa Zikhulupiriro Zathu.”

Pomwe mukucita pfunziro la pamwekha, werengani nkhani ipsa yomwe yacinja kabvesesedwe kace ndipo fufudzani kabvesesedwe kapsako na mathangwe yomwe yacitisa kuti nkhaniyo icinje.