Baleg ya pribilehyo ya manbibilay tayod panaon ya lalon palilinewen nen Jehova so pakatalos tayo ed Biblia. (Dan. 12:4) Kasin aliwa nin malinew ed sika so arum ya pananguman ed pakatalos tayo? No labay mon aralen iratan, antoy sarag mon usaren ed pan-research mo?

• Giya ed Pan-research na Saray Tasi nen Jehova. Nanengneng mo dia iray pananguman ed pakatalos tayo, tan akalista iratan base ed topic. Onla ed “Saray Tasi nen Jehova,” insan diad “Panmoria tan Pananisia,” tan “Pamalinew ed Papanisiaan Tayo.”

• Watch Tower Publications Index. Nanengneng mo ed “Beliefs Clarified” so kompleton listaan na saray pananguman ed pakatalos tayo, tan akalista iratan base ed taon. Pian nanengneng mo itan ya listaan, i-type so “understanding clarified” (ipilam ya i-type iray quotation marks) ed search box diad Watchtower Library o Watchtower ONLINE LIBRARY^™.

Diad personal study’m, manpili ka na topic tan i-research mo no antoy balon pakatalos tayo ed satan. Aral mo met no antoy Makasulatan ya basiyan no akin ya anguman so pakatalos tayo.