Luli lukengwa lunene okulama omu kasanzi Yehova ali arhurhabala okuhugûkwa bunyi-bunyi enyigirizo z’Ebibliya kulusha agandi mango. (Dan. 12:4) Ciru akaba ntyo, nkaba rhwanabona nka kuli kuzibu okumanya amahugûlo rhwahâbirwe lugenda enyigirizo z’Ebibliya. Ngahi rhwakabona ago mahugûlo mahyahya lugenda enyigirizo zirhu?

• Ecitabu Index des Publications des Témoins de Jéhovah, idako ly’ecirhwe cidesire “ Éclaircissement ” cirimwo eliste y’amahugûlo mahyahya gahânyirwe ngasi mwaka. Ly’obona eliste y’emyanzi, oyandike “ Éclaircissements doctrinaux, Lumière ” (ohire e guillemets) ahantu h’okujirira obusagasi omu Watchtower Library erhi omu Watchtower BIBLIOTHÈQUE EN LIGNE^™.

• Ecitabu Musaada wa Kutafuta Habari kwa Ajili ya Mashahidi wa Yehova cirimwo eliste nyofi epanzirwe kushimbana n’omwanzi. Oyigule ecirhwe cidesire “Mashahidi wa Yehova,” buzinda oje aha bayandisire “Mambo Yenye Mashahidi wa Yehova Wanaamini,” na buzinda oyigule “Mafasirio Mapya Juu ya Mambo Yenye Tunaamini.”

Omu mupango gw’ifunzo lyawe wene, wanacishoga nyigirizo ndebe zigwerhe amahugûlo mahyahya n’okujira obusagasi lugenda amahugûlo mahyahya rhwahâbirwe okubiyerekire ezo nyigirizo, n’ebirhumire biyimangire oku Mandiko byarhumaga rhwashanja oku rhwal’ihugûsirwe embere.