Re phela nakong e thabisang haholo hobane Jehova o re hlalosetsa lintho tse ngata ka Lentsoe la hae ho feta nakong e fetileng. (Dan. 12:4) Empa re ka ’na ra thatafalloa ke ho tseba lithuto tsa Bibele tse ntlafalitsoeng le ho li utloisisa. Re ka fumana lintlha tse ntlafalitsoeng hokae?

• Watch Tower Publications Index tlas’a sehlooho se reng “Beliefs Clarified,” e na le lethathamo la lintlha tse ntlafalitsoeng tse hlahisitsoeng ho ea ka selemo. E le hore u li fumane, ngola “understanding clarified” (u kenyeletse lia-bula le lia-koala) lebokoseng la batla le ho Watchtower Library kapa Watchtower ONLINE LIBRARY.

• Buka ea Tataiso ea ho Etsa Lipatlisiso ea Lipaki Tsa Jehova e na le lethathamo la lihlooho tse khutšoanyane. E-ea ho “Lipaki Tsa Jehova” ebe u ea ho “Litumelo le Maikutlo” ebe u kena ho, “Ho Hlalosa Seo re se Lumelang.”

U ka iketsetsa projeke ea ho ithuta ka hore u khethe taba e sa tsoa ntlafatsoa ’me u etse lipatlisiso ka eona, u ka ithuta hore na taba eo e ntlafalitsoe joang le hore na ke mabaka afe a Mangolo a entseng hore e ntlafatsoe.