We ti kanili pirea jipi rawé japoná Jeobá tamó iʼwiri kilipi niraa aʼlá inamia japi aní echi Biblia (Dan. 12:4). Nalí be, isini kaachi ati jilí niráboré machiyá echi namuti japi nakulíwisimi japi ta machí echi Biblia jitra. ¿Kumi ti oméripo machiyá suwaba echi namuti japi nakulíwisimi?

• Japoná aní “Aclaración de creencias” echoná Índice de las publicaciones Watch Tower, nirú suwaba namuti japi nakulíwili ibili bamíali. Jiti mi inema echi namuti japi nakulíwili ibili tema niraa, osá “aclaración de creencias” (ayénachó uchá echi comillas) echoná Watchtower Library o echoná BIBLIOTECA EN LÍNEA Watchtower.

• Echi Guía de estudio para los testigos de Jehová olá kuabi namuti japi nakulíwili ibili tema niraa. Jiti mi riwimea, simí japoná aní: “Los testigos de Jehová”, alí miná ko “Opiniones y creencias”, echoná jonsa ko simí “Aclaración de nuestras creencias”.

¿Chúsiá mi ke chotasi binea echi namuti japi ne kulí nakulíwili japalí mi bineli niraa biné echi Biblia? We aʼlá biné chúriká ti inami jipi ko echi tema alí chúsiá nakulíwili echi namuti.