Ita hela iha tempu neʼebé Jeová fó sai koñesimentu barak liután kona-ba ninia Liafuan. (Dan 12:4) Maski nuneʼe, karik ita sente susar atu hatene no hanoin-hetan Bíblia nia hanorin sira neʼebé sai klaru liu. Iha neʼebé mak ita bele hetan lista kona-ba hanorin sira-neʼe no mós ninia esplikasaun?

• Livru atu ajuda Testemuña ba Jeová buka informasaun iha lista kona-ba hanorin sira-neʼe tuir tópiku. Loke “Testemuña ba Jeová”, tuirmai “Buat neʼebé ita hanoin no fiar”, no tuirmai “Ita-nia hanorin neʼebé sai klaru liu”.

Bainhira Ita estuda mesak, karik Ita bele hili hanorin ida neʼebé sai klaru liu no halo peskiza kona-ba hanorin neʼe no tanbasá iha mudansa ba hanorin neʼe.