Eelo kaka ncoolwe cipati kupona muciindi Jehova nayubununa makani manji kujatikizya Jwi lyakwe kwiinda kaindi. (Dan. 12:4) Nokuba boobo, tulakonzya kujana buyumuyumu bwakumvwisya kasimpe kamu Bbaibbele ikayaabucinca. Ino nkuli nkotukonzya kukujana kucinca ooku?

• Mu Watch Tower Publications Index akatwe kakuti “Beliefs Clarified” kuli mulongo wakucinca kwakasimpe kweelana amwaka nokwakacitika kucinca ooko. Kutegwa mubone mitwe yamakani mucibeela cakuyandawida cili mu Watchtower Library naa Watchtower ONLINE LIBRARY^™ amulembe kuti “understanding clarified” (inga mwabikkilizya atwaandaanyo).

• Bbuku Ligwasya Kuvwuntauzya lya Bakamboni ba Jehova lilijisi milongo mifwaafwi iibikkidwe kweelana acibalo. Amuunke aalembedwe kuti “Bakamboni ba Jehova,” kumane muunke acibeela cakuti “Nzyotuyeeya Alimwi Anzyotusyoma,” mpoonya muunke aalembedwe kuti “Kusalazya Nzyotusyoma.”

Nomucita ciiyo canu nobeni, mulakonzya kumvwuntauzya kujatikizya makani mapya aajatikizya kucinca kwesu mukumvwisya aakazwa caino-ino, akujana kaambo kamu Magwalo kakapa kuti kube kucinca ooko.