Hau Long Stadi
Hau Yumi Ken Kliagut Long Ol Senis i Kamap Long Ol Save Yumi Gat Pinis
Yumi amamas tru olsem yumi stap long haptaim we isi isi Jehova i wok long kamapim klia moa yet ol save bilong Baibel. (Dan. 12:4) Maski i olsem, yumi inap pilim hatwok long kliagut na mekim senis long ol save yumi gat pinis long ol tok i tru bilong Baibel. Yumi ken painim ol dispela senis long wanem hap?
• Dispela tok “Beliefs Clarified” long Watch Tower Publications Index i gat lista bilong olgeta dispela senis na yia em ol dispela senis i kamap long en. Bilong painim lista bilong ol topik, taipim dispela tok “understanding clarified” (wantaim kotesen mak long kirap na pinis bilong tok) long blok i gat tok painim long Watchtower Library o Watchtower ONLINE LIBRARY™.
• Long Research Guide for Jehovah’s Witnesses i gat sotpela lista bilong ol tok i stap long wan wan topik bilong ol. Go long “Jehovah’s Witnesses,” na “Views and Beliefs,” na bihain go long “Clarification of Our Beliefs.”
Bilong mekim wanpela pesenel stadi projek, i gutpela yu makim wanpela senis i kamap i no longtaim i go pinis na painimaut nupela save yumi kisim, na tok Baibel i mekim long dispela nupela save.