Kʼax tʼujbil te bintik yak ta kʼoel ta pasel ta ora ini, melel te Jehová yak skoltaybelotik yuʼun ya kichʼbeytikxan swentail te bin ya yal te Biblia (Dan. 12:4). Manchukme jich yak ta kʼoel ta pasel-abi, wokolniwan ya jnaʼtik te bintik yachʼil yichʼoj alel ta swenta te bin ya yal te Biblia. ¿Bantiwan ya xjuʼ ya jtatik te bintik yachʼil yichʼoj alel ta swenta te bintik jchʼuunojtike?

• Te banti ya yal «Aclaración de creencias» ta Índice de las publicaciones Watch Tower yichʼoj jun lista ta swenta te bintik yachʼil yichʼoj alel te lokʼemik ta jujun jaʼbil. Yuʼun ya xjuʼ ta tael jujun tema, tsʼibaya «aclaración de creencias» tey ta sleojibal te Watchtower Library o ta BIBLIOTECA TA INTERNET yuʼun Watchtower^™.

• Te Sleojibal temaetik yuʼun te testigoetik yuʼun Jehová yichʼoj jun lista te yantik temaetik yichʼoje. Yuʼun ya xjuʼ ya ata, ochan te banti ya yal «sTestigotak Jehová», ta patil «Te bintik jchʼuunejtik» sok ta slajibal ta «Jamaltesbeyel skʼoplal te bintik jchʼuunejtike».

¿Bin yuʼun ma ya apas tulan ta snopel junuk te bin yachʼil yichʼoj alel te kʼalal ya anop te Biblia ta atukel? Ilbeya skʼoplal bin-utʼil ya kichʼbeytik swentail te tema ta ora ini sok te bin ya yal te Biblia.