Eparakha yuulupale okhala okathi ola Yehova onnikhaliherya awe omwiiwexexa Biibiliya ovikana khalai. (Dan. 12:4) Hata vari siiso, hiyo pooti onixankihaka olokiherya moota nniiwexexa ahu ikeekhai sa mbiibiliyani. Opuro xeeni nikhanle ahu oophwanya marukunuxo awo ni otthokiheriwa waya?

• Índice das Publicações da Torre de Vigia mpantta oni: “Crenças Esclarecidas” yookhala elista yoomalela ya marukunuxo moovarihana ni mwaakha ene. Wiira mphwanye myaha iyo, mulepe “Entendimentos Esclarecidos” (waahela muhina aspas) mpantta oni mphavelase wa Ebiibilioteka onlaine ya Torre de Vigia.

• Eliivuru Enaakhaliherya Anamoona a Yehova Otokosa Myaha Sikumiheriwe, yookhalana elista etthokihiwe moovarihana ni myaha. Murowe opuro oni: “Anamoona a Yehova” nuumala-vo mpantta oni: “Itthu Xeeni Anamoona a Yehova Anikupali Aya?”

Okathi munipaka anyu yoosoma anyu, muthanleke myaha sirina marukunuxo a niinaano ni mutokoseke wiiwexexa wa niinaano ni nthowa naya akhanle aya marukunuxo awo a Biibiliya.