Ní Komɛ Nɛ Maa Ye Bua Mo
Moo Kase Wa La Amɛ Kɛ Wo O Yi Mi
“Be komɛ ke i hao ɔ, Yehowa woɔ mi he wami kɛ guɔ JW Brɔɔdkastin la amɛ a nɔ.”—Lorraine, U.S.A.
Kɛ je blema tɔɔ nɛ Kristofohi laa kɛ jeɔ Mawu yi. (Kol. 3:16) Ke o kase la nɛ ɔmɛ kɛ wo o yi mi saminya a, e maa ye bua mo ke o hɛɛ we la womi aloo o fon loo tablɛti po. Níhi nɛ nyɛɛ se nɛ ɔmɛ maa ye bua mo konɛ o nyɛ nɛ o kase la amɛ kɛ wo o yi mi.
Moo kane la a mi munyu ɔmɛ saminya nɛ o nu sisi. Ke o nu munyu ko sisi saminya a, e he wɛ kulaa kaa o ma kai. Wa la kpa amɛ kɛ jokuɛwi a la amɛ tsuo mi munyu ɔmɛ ngɛ jw.org ɔ nɔ. Ke o ya Nito He blɔ he ɔ, moo ya lahi.
Moo ngma la a mi munyu ɔmɛ ngɛ womi nɔ. Jã nɛ o maa pee ɔ ma ha nɛ la a mi munyu ɔmɛ maa tlɔ o yi mi saminya.—5 Mose 17:18.
Mo la nɛ e je kpo. Moo kane la a mi munyu ɔmɛ si abɔ aloo mo la si abɔ.
Moo ka nɛ o hyɛ kaa o ma kai lo. Moo bɔ mɔde kaa o maa kane la a mi munyu ɔmɛ be mi nɛ o hyɛ we womi ɔ nɔ, nɛ o hyɛ kaa o ma kai lo.
