“Quiñeque mu falinolu troquiuquen, huelu allcütufiel mu pu ayüfalchi ül tripalu JW Broadcasting^® Jehová eluqueneu nehuen” (ñi feipiel Lorraine, Estados Unidos).

Pu cristiano rumel ülcantuquefiyiñ cümeque ül taiñ püramyeafiel ta Jehová (Col. 3:16). Loncontucufilmi feitachi ül, tüfa quelluaimu nienolmi rume quiñe electronico chemcün cam quiñe cancionero. ¿Chumafuimi taiñ acordayafiel? Cümeafui tami femal tüfa:

• Elcünuafimi tiempo tami cüme papeltual ca ngüneduamal chem ñi feipin tati ülcantun. Cüme adümfiel mu doi quelluaimu tami acordayafiel. Taiñ sitio internet jw.org mu huiriconcülei com taiñ ülcantun. Ca mülei pu ayüfalchi ül tripalu JW Broadcasting ca fillque ülcantun pu pichiquechengealu. Tami peal, amunge ti troquiñ “Chem taiñ entuel” ca fei hula, conaimi cheu feipi “Ülcantun”. ¿Ca chumaimi? Peafiyiñ.

• Huirintucuafimi quiñe papel mu. Tüfa quelluaimu tami cüme loncontucual tati ül (Deut. 17:18).

• Adümcantuafimi nehuentu dungun mu. Papeltuafimi tañi chem pin ti ül, cam fentrenque rupa adümcantuafimi.

• Inaduamnge tami rüf acordayafiel ti ül. Adümcantuafimi, huelu adquintulayafimi ti huiriconcülechi ülcantun. Ca inaduamaimi chumten tami quimürpun.