‘Son dei te mi nai fii bun, Yehofa e gi mi taanga-sikin anga den JW Broadcasting^® singi’​—Lorraine fu Ameekankondee.

Na ala yuu wi enke Kelesten e singi fu gafa Gadu (Kol. 3:16). Efii sabi den wowtu fu den singi a ede, den o man yeepi i winsi i naabi wan singi buku efuso telefon. Luku wantu sani di sa yeepi i fu sabi den wowtu fu den singi a ede.

• Leisi den wowtu fu a singi bun fu man fusutan san den wani taki. Tei fusutan san wan sani wani taki, ai moo makiliki fu membee en. I sa fende den wowtu fu den Broadcasting^® singi fu u anga den pikinnengee singi a jw.org. Go a Library, da bakadati dai go a Poku.

• Sikiifi den wowtu fu den singi. A sani ya o yeepi i fu holi den wowtu fu den singi a ede.​—Deit. 17:18.

• Singi den singi taanga. Leisi efuso singi den singi omen leisi te enke i sabi den.

• Luku efii sabi den wowtu fu den singi a ede. Puubei fu singi sondee fii luku den wowtu. Bakadati dai luku efii holi den wowtu a ede.