“Wën ich mich oone weyert xpiire, tuut Yeehoowa mich uf muute torich ti musike im JW Broadcasting^®.” — Lorraine, F.X.A.

Ti kriste hon imer liiter kesung fer Kot loope. (Kol. 3:16) Wëns tuu tiise musike ausm khop lërnst, khene se tich helfe soo kaar wëns tuu khee kesang puuch orer eletroonix aparat host. Fersuuch ti neekste itee aan wëne fer etliche musike ausm khop lërne.

• Tuu ti wërter mit acht leese fer ti musik ferxteen. Wëns tuu ferxteest was etwas petayt, es wërt laychter tas erinere. Ti wërter fon al unser musike, too tepay ti musik foerxtelunge un ti musike fer ti khiner, sin im site jw.org. Fer tëne fine, kee tsu te sesyoon Piplyoteek un tan Musik.

• Tuu ti wërter fon te musike uf xraype. Tas tuut tich noch mee helfe tëne erinere. (Teut. 17:18)

• Tuu ti musike in hart xtim iipe. Tuu ti musike noo un noo leese orer singe.

• Sii wii fiil tuu tich erinerst. Fersuuch ti wërter erinere oone tëne kuke, un tan sii ep tas xtimt.