Пайдале каҥаш-влак. Мом шымлаш лиеш
Мурына-влакым наизусть тунемза
«Южгунам мый шкем йӧрдымӧ айдемылан шотлем. Тыгай годым Иегова мыйым бродкастинг гыч муро-влак дене кумылаҥда» (Лоррейн, США).
Христиан-влак Юмым чапландарашлан эре мурым муреныт (Кол. 3:16). Муро-влакым наизусть тунемыда гын, нуно тыланда полшен кертыт эсогыл тунам, кунам пеленда муро аршаш але электронный ӱзгарда огеш лий. Муро-влакым шарнен кодашлан нине каҥаш-влакым кучылт ончалза.
Мурын текстшым тӱткын лудын лекса да тушто возымым умылаш тыршыза. Кунам ме иктаж-мом умылена, тидым шарнен кодаш куштылгырак лиеш. Чыла мурына-влак, ты шотыштак йоча муро да JW Broadcasting® гыч муро-влак, jw.org сайтыште улыт. «Библиотеке» вкладкым почса, вара «Музык».
Мурын мутшым листокыш возен налза. Тиде мурын мутшым сайрак шарнен кодаш полша (Втор. 17:18).
Йӱкын ойлыза. Мурым икмыняр гана лудын лекса але мурен налза.
Терген налза, мыняр чот сайын те шарнеда. Текстыш ончыде, мурым шарналташ тыршыза, а вара ончалза, кузе тендан лектын.