“Nga cakuti ndi nu wulanda e Yehova akambomelezya ukupitila mu ndwimbo zino zikawa mu ma JW Broadcasting^®.”—Lorraine, U.S.A.

“Indwimbo zya Wufumu” zyawa aluwali lwa kupepa. (Kolo. 3:16) Nga cakuti waswatila zyo-o indwimbo, cingakupepucila ukwimbila napano utakweti ibuku nanti iviwombelo vinji ndi vino ama foni. Yelezyani ukucita vyo-o pisika pakumyavwa ukuswatila indwimbo.

• Mwawikako sana amano ku mazwi yano yali mu lwimbo. Nga cakuti mwivwicisya uwupiliwulo we cimwi, cikapepuka nkaninye ukwizuka. Amazwi ya ndwimbo zyonsinye, ukuwikako ni ndwimbo iziyiwele ni zya wana apano yawa pa jw.org. Mungayazana nga mwaya pano walemba ukuti Library, apano muye pano watili indwimbo.

• Nga mwalumanya mwalembako pamwi. Ukucita wo-o kulimyavwa ukwizuka.—Amasu. 17:18.

• Mwafumya izwi pano mukwimbila. Mwawazya nanti ukwimbila imiku imivule.

• Mwakwelezya ukwimbila ukwasowa ukulola apali ponsinye. Yelezyani ukwizuka amazwi yonsinye yano yali mu lwimbo, na mukulecelezya mulole nga cakuti kuli mumwi muno temukupusila.