“Kema tlauel nimokuesoua, Jehová nechyolchikaua ika uikatl tlen kisa ipan JW Broadcasting^®” (Lorraine, Estados Unidos).

Cristo itokilijkauaj nochipa kitekiuijtokej uikatl pampa kinekij kiueyichiuasej Jehová (Col. 3:16). Tlaj tijtsontekontlalis uikatl, mitspaleuis kema amo tijpias nopa amochtli kampa ijkuilijtok o kema amo tijpias mocelular o tlableta. Nikaj tikitas tlake mitspaleuis xijtsontekontlali. Xijchiua ni tlamantli:

• Xijchiua kampeka tijpouas uan tijkuamachilis. Kema tijkuamachiliaj se tlamantli, techpaleuia ma tijtsontekontlalikaj. Ipan jw.org eltok nochi uikatl tlen tiuikaj ipan tlanechikoli, tlen kisa ipan JW Broadcasting uan nojkia para konemej. Tlaj tijneki tijpantis, xijtemo kampa kiijtoua “Amatlajkuiloli” uan teipa “Uikatl”.

• Xijmaixkopina nopa uikatl. Nopa mitspaleuis xijtsontekontlali (Deut. 17:18).

• Xiuika chikauak. Xijpoua o miakpa xikompaui nopa uikatl.

• Xikita tlaj kena tijtsontekontlalik. Xijchiua kampeka tiuikas uan amo tijtlachilis nopa letra. Teipa xikita tlaj kena uelki tikilnamiki.