Akakoryo k’Okweyegyesa
Kwata ‘Ebyeshongoro by’Obukama’ omu Mutwe
“Naaba ntarikwehurira gye, Yehova naangumya arikukoresa ebyeshongoro ebiri aha JW Broadcasting®.”—nikwo Lorraine, kuruga U.S.A arikugira.
‘Ebyeshongoro by’omwoyo’ bitwire biri ekicweka ky’okuramya kw’Ekikristaayo. (Kol. 3:16) Waayega ebyeshongoro okabikwata omu mutwe, noobaasa kubyeshongora n’obu waakuba otaine kitabo ky’ebyeshongoro nari esimu. Teeraho kuta omu nkora obuhabuzi oburi ahaifo kukuhwera kukwata ebyeshongoro omu mutwe.
Shoma ebigambo by’ekyeshongoro orikufayo kwetegyereza amakuru gaabyo. Eki nikikuhwera kworoberwa kwijuka butumwa oburimu. Ebigambo by’ebyeshongoro byona, otwariiremu ebyeshongoro ebihimbirwe n’eby’abaana, biri aha jw.org. Za ahansi y’ekicweka Raiburare, reero osherure Ebyeshongoro.
Kopoorora n’engaro ebigambo by’ekyeshongoro. Waakikora nikikuhwera kwongyera kukwata ebigambo ebyo omu mutwe.—Bir. 17:18.
Yegyezemu omu iraka eririkuhurirwa. Shoma nari oyeshongoremu emirundi mingi.
Yegyeze oreebe waaba noijuka. Teeraho kweijutsya ebigambo otarikureeba ahu obihandiikire, kugira ngu omanye oku orikukora.