“Wan ekj mie sea truarich feel, jeft Jehowa mie derch de Leeda opp JW Broadcasting^® Moot” – sajcht Lorraine vonne Stäts.

Wie haben noch emma jeistelje Leeda jebrukt toom Jehowa lowen (Kol. 3:16). Wan du die de Leeda utwendich lieescht, dan kaun die daut uk halpen, wan du kjeen Leedabuak hast ooda nich een Fon ooda Tablet hast. Hia sent een poa Iedeeen, waut die halpen kjennen, eenje Leeda utwendich to lieren.

• Läs dän Takjst toom de Bediedunk vestonen. Du kaust daut bäta em Denkj hoolen, wan du weetst, waut de Takjst bediet. De Takjst von aul onse Leeda, wua uk de besondre Leeda un Kjinjaleeda met en sent, kaun eena opp jw.org finjen. Go no “Bieekja un mea”, un dan no “Leeda”.

• Schriew dän Takjst auf. Opp dise Wajch kaust du de Wieed noch bäta em Denkj hoolen (5. Mo. 17:18).

• Eew daut opp ludes. Läs un sinj daut Leet emma wada.

• See, woo väl du em Denkj hoolen kaust. Proow, de Wieed em Denkj to hoolen, onen opp dän Takjst to kjikjen, un dan kjikj, woo goot du daut kaust.