Caicunata estudiai
Cantocunata de memoria yachai
“Dimastij llaquilla cajpica Yayitu Jehová Diosca JW Broadcasting® programapi llujshishca cantocunahuanmi ñucata animan” (Lorraine, Estados Unidos).
Diosta sirvijcunaca siempremi cantocunahuan Jehová Diosta alabashcanchij (Colosenses 3:16). Chai cantocunata de memoria yachashpaca cantana librota, telefonota mana charishpapish cantai tucunguimi. Cantocunata de memoria yachangapajca caita rurai:
Cantocunapaj letrata liyingapaj, intindingapaj tiempota surcui. Imata alli intindishpaca ratomi chaitaca yuyarinchij. JW.ORG paginapimi tucui cantocunapaj letracunata tari tucungui. Chaipajca “Biblioteca” nishcaman yaicushca qꞌuipaca “Música” nishcapi llapi.
Cantopaj letrata shuj papelpi quillcai. Chashnami chai cantotaca de memoria yachangui (Deuteronomio 17:18).
Voz altapi repasai. Cantopaj letrata cutin cutin liyi, mana cashpaca cutin cutin cantai.
Cantopaj letrata mashnata yuyarishcata ricui. Letrata mana ricushpa cantopaj letrata yuyari. Chai huashaca mashnata yuyarishcata ricui.